Është zhvilluar sot protesta e opozitës tek bashkia e Tiranës përmes të cilës kërkohet dorëheqja e kryebashkiakut Erion Veliaj dhe hetimin e tij nga SPAK.
Anëtari i kryesisë së PD, Belind Këlliçi tha gjatë fjalës së tij se janë aty për të denoncuar me fakte e prova të gjitha aferat e Bashkisë dhe Veliajt.
‘‘Jemi konflitkuar fizikisht kur vajtëm të denonconim për inceneratorët, ky individ figuron drejtori i inceneratorëve ne fier e tiranë Ky porosiste projekte me vlera qindra miliona euro. Çfarë ka bërë SPAK dhe me ato 8 masa të lëshuara së fundmi nuk kanë guxim të përmendin emrat e drejtuesve të vërtetë të inceneratorëve. ‘Elton Bualli’ vodhi qindra milion euro, dhe është njish me ata që quhen titullarë e drejtues të inceneratorëve.
‘Ardjan Nusret Mazniku’ që hante biftek 1 mijë euro, porosiste edhe shmbejet e 13 pallateve në Tiranë duke lënë qindra banorë në rrugë të hapur bashkë me Mariglen Qaton. Mariglen Qato merrte lejet e shembte pallatet në bashkëpunim me Maznikun. Këto vjedhje janë aq të mëdha sa edhe disa media janë paguar për tu korruptuar.
Se për 5D e ka fajin PD, se për inceneratorët e ka fajin Berisha..? Kryetari aktual I opozitës po mbahet në arrest pa prova pa fakte, a mendoni se ça mund tju ndodhi ju? Një personi pa mandat politik, pa njohje etj…”, tha Këlliçi.
Përfaqësuesja e PL Silva Caka në protestën e ditës së sotme ka folur për përplasjen në këshillin bashkiak pak ditë më parë.
“Ta spastrojmë qytetin nga kjo vemje, nga modeli më i shëmtuar i politikëbërjes. Herën e fundit ka ardhur në mbledhje me antiplumb. Një mesazh për Veliajn: nuk je burrë ti të ikësh me plumb, nuk harxhon kush plumba për ty. Ti do ikësh si vemje ashtu siç erdhe në politikë. Nga plumbi ruju nga ata që i ke të sojit tënd,” tha Caka.
Koordinatori për Tiranën në PD, Klevis Balliu, i ka bërë thirrje policëve që të bashkohen me qytetarët, jo të mbrojnë zyrtarët e bashkisë.
”Paratë që do shërbenin për t’ju rritur rrogat, i mori Plarent Ndreca. Ju dha 500 euro kapelet dhe lekët i futi në xhep. Ca lekë ikin tek Erioni, ca tek Belinda, na kanë rrethuar hajdutët”, tha ai.
Anëtari i Këshillit Bashkiak të Tiranës, Tedi Blushi, në protestën e ditës së sotme që po mbahet para bashkisë, tha se kushdo që do të kërkojë t’i fusë duart në fyt opozitës, do të marrë përgjigjen e merituar.
“Më mbyllën 5 orë në komisariat dhe menduan se do më trembin. E kanë marrë përgjigjen qe meritonin të gjithë narkopolicët. E dini pse vijmë me kasketa tha njëri se kemi turp t’u dalim para fëmijëve e të shkojmë në shtëpi mos na pështyjnë prindërit. Ja pse në 40 gradë detyrohen të vijnë me maska në fytyrë.
Kush kërkon t’i fusë duart në fyt opozitës do të marrë përgjigjen e merituar siç e mori në mbledhjen e fusnit të Këshillit”, u shpreh ai.r.p
