Tensione në mbledhjen e Këshillit Bashkiak të Tiranës mes anëtarëve të opozitës, kreut të bashkisë Erion Veliaj dhe më pas edhe këshilltarëve të PS.
Këshilltari i PL, Tedi Blushi ka qëlluar me letra Erion Veliajn, pasi ky i fundit nuk i dha fjalën. Kryetari i bashkisë ka reaguar duke i thënë se “je i paaftë”.
Pas incidentit, kryetarja e këshillit bashkiak të Tiranës, Romina Kuko ka njoftuar ndërprerjen e mbledhjes.
Në mbrojtje të Veliajt në sherr ka dalë Halit Valteri, këshilltar socialist, ish deputet i listës në vitin 2019. Valteri e ka shtyrë Blushin. Në këtë moment Blushi i është kundërpërgjigjur Valterit duke u konfliktuar fizikisht me njëri tjetrin.
Për incidentin e rëndë ka reaguar edhe kreu i PL, Ilir Meta.
”Akti sulmues i Prindit 2 Erion Veliaj dhe zarit të tij Halit Valteri ndaj këshilltarit dhe Sekretarit të Përgjithshëm të Partisë së Lirisë, z.Tedi Blushi do të marrë shumë shpejt përgjigjen e merituar demokratike dhe shqiptare.
Nga sot Partia e Lirisë është në gjendje lufte me kryehajdutin e Tiranës Lali fikun dhe ordinerët përqark tij.
Partia e Lirisë është në gjendje lufte me tutorët dhe protektorët e këtij fëlliqësire që vrau Ardit Gjoklajn.
Partia e Lirisë do t’ju mësojë të gjithëve se nuk jemi komb eksperimental por Shqiponjash.
Nuk ka tutor dhe protektor në botë që e ndalon Drejtësinë tonë”, ka postuar Meta në rrjete sociale. m.k
