Pas ngjarjes së rëndë në spitalin Amerikan ku mbetën të vdekur dy paciente dhe dy të tjerë të plagosur rëndë, Report Tv ka zbardhur dëshminë e Dashamir Saraçit, i cili ishte objektiv i Lefter Canajt që i vendosi flakën pasi i hodhi benzinën.
Dashamir Saraçi ka deklaruar se nuk ka asnjë konflikt me Lefter Canajn.
“Isha ulur në karrige duke bërë hemodializën , kur papritur kam parë Lefter Canajn që është më është drejtuar duke më hedhur një bidon me benzinë dhe më pas më vendosi flakën. Nuk kam pasur asnjë konflikt dhe debat me autorin”, është shprehur ai gjatë marrjes në pyetje nga grupi hetimor.
Duke u nisur nga fakti se gjithçka ka qenë me paramendim, policia dyshon se mes autorit dhe Dashamir Saraçit mund të ketë pasur një konflikt.
Ndërsa dëshmitarë të ngjarjes kanë thënë se Cani dhe Saraçi, kanë pasur dy ditë më parë një konflikt për motive të dobëta, pasi kishin debatuar për bindje politike.
Lefter Canaj ndodhet i shtruar në spital nën kujdesin intensiv të mjekëve, pasi ka plagë të shumta në trup nga djegia që ka pësuar, po ashtu edhe autori i ngjarjes Lefter Canaj 57 vjeç.
Nga zjarri në spitalin Amerikan viktimat janë 55 vjeçarja Sanie Sulaj nga Mamurrasi dhe një paciente tjetër nga Laçi, Hanife Mali 55 vjeçe. Ato kanë qenë të shtruara në spital, kur ka rënë zjarri dhe nuk kanë mundur që të shpëtojnë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
