Nuk ka të mbijeruar nga rrëzimi i helikopterit në Iran. Qeveria e Iranit ka konfirmuar vdekjen e Presidentit Ebrahim Raisi së bashku me ministrin e Jashtëm në aksidentin ajror pas rrëzimit të helikopterit të dielën.
Helikopteri qeveritar u rrëzua në një terren malor pranë kufirit me Azerbajxhanin.
Mediat iraniane konfirmuan se ekipet e shpëtimit gjetën mbetjet e helikopterit në orët e para të mëngjesit të së hënës.Presidenti Raisi, ministri i Jashtëm dhe personat e tjerë që ishin në bordin e helikoperit humbën jetën gjatë përplasjes, konfirmohet zyrtarisht.
Ebrahim Raisi 63 vjeç u bë President i Iranit në vitin 2021. Ai urdhëroi ashpërsim të ligjeve të moralit në Iranit si dhe goditi protestat anti-qeveritare.
Ndërkohë, shkaqet e rrëzimit të helikopterit nuk dihen ende, por zyrtarisht nga Irani është thënë vetëm që mjeti ajror u përplas me majën e një mali”. a.b
