Me gjithë investimin e kryeministrit, për të mbledhur nesër seancën e Kuvendit, me qëllimin për diskutimin dhe miratimin “shpejt e shpejt”, pa konsensus, të 7 projektligjeve të reformës në drejtësi, sërish është Ilir Meta, që “ia ka ndalur vrullin” dhe “ia ka vënë kufirin te thana”.
Burime nga Kuvendi, kanë bërë të ditur se nuk mund të mblidhet seanca nesër, për 7 projektligjet.
Të njëjta burime saktësojnë se ka afate kushtetuese për futjen në seancë plenare të një projektligji. Këto afate lidhen me afatet e dekretit të miratimit të ndryshimeve kushtetuese, të cilat “nuk lejojnë” diskutimin e këtyre brenda dy javëve pas miratimit të dekretit.
Për pasojë, Kuvendi nuk mund të mblidhet brenda datës 10 gusht, për diskutimin dhe miratimin e 7 projektligjeve, sqarojnë të njëjta burime të Kuvendit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
