Kërkohet një konsultant për projektin “Forcimi i kapaciteteve dixhitale dhe teknologjike të Droni.al nëpërmjet zbatimit të mjeteve teknologjike të AI për të përmirësuar cilësinë e informacionit dhe performancën e tij ekonomike”.
Droni.al po zbaton një pojekt të mbështetur nga GIZ WB6 MEDIA: Mbështetje për lirinë dhe pluralizmin e medias në Ballkanin Perëndimor.
Projekti që zbatohet nag Droni.al “Forcimi i kapaciteteve dixhitale dhe teknologjike të Droni.al nëpërmjet zbatimit të mjeteve teknologjike të AI për të përmirësuar cilësinë e informacionit dhe performancën e tij ekonomike”, synon forcimin e bashkëpunimit mes medias online dhe bizneseve të teknologjisë së informacionit për të përmirësua performancën e mediave online, zgjeruar kapacitetet e saj dhe zbatimin në media të mundësive të reja teknologjike.
Droni.al po kërkon një konsulent për periudhën e zbatimit të projektit nga 1 mars 2024-31dhjetor 2024, i cili do të angazhohet për 10 ditë përgjatë kësaj periudhe sipas nevojave të projektit.
Konsulenti duhet të përmbushë këto kritere:
-Të ketë përfunduar studimet e larta në komunikim, gazetari ose marketing. Kombinimi i tyre është një përparësi
-Të ketë përvojë pune në një media online gjatë karrierës së tij dhe të ketë përformuar detyra të tilla si editor i rrjeteve sociale, të ketë mbajtur përgjegjësi apo kryer detyra në marketingun e mediave online ose si editor i produkteve të AI në median online. Ose të ketë zhvilluar fushata të marketingut në fusha të ndryshme përmes teknikave që mbështeten në teknologjinë e avancuar të komunikimit.
-Të ketë njohje të mirë të rrjeteve sociale dhe motorëve të ndryshëm të internetit.
Detyrat që do të kryejë:
Të bashkëpunojë ngushtë me pjesën tjetër të ekipit të projektit dhe të ofrojë ekspertizën e eti për arritjen e objektivave të projektit si më poshtë:
-gjenerimit të automatizuar të artikujve dhe lajmeve, editimit të automatizuar të videove, fact checking, shpërndarja e automatizuar e përmbajtjes, aplikimi i një mekanizimi të AI që ndihmon në maksimizimin e të ardhurave në rrjete sociale dhe platforma të tjera.
Për të aplikuar ju mund të dërgoni një cv tuajën në adresën e emailit të Droni.al, droninews@gmail.com, ose të sillni dorazi cv tuaj në adresën e redaksisë p2/2, A8, rruga Komuna e Parisit, Njësia 5, Tiranë.
Aplikimet pranohet deri më 30 mars 2024, ora 16.00. Aplikimet pas këtij afati nuk do të merren në konsideratë.
Për cdo pyetje në lidhje me aplikimin mund të drejtoheni përmes emailit në droninews@gmail.com deri më datën 25 mars, ora 16.00.
Shpallja e fituesit do të behet ne faqen ne web të Droni.al, rubrika ‘Gjej punë” me 10 Prill, 2024. Ankesat në lidhje me vlerësimin mund të bëhen nga 10.04.2024 deri me 14.04.2024 përmes emailit droninews@gmail.com.
Tirane, 15.03.2024
