Vendimi i kreut të PL, Ilir Meta për të larguar nga drejtimi i partisë të shoqen ka sjellë rezistencën e Monika Kryemadhit gjë që u shfaq sot në mbleshjen e Komitetit Drejtues së kësaj partie.
Meta dhe Kryemadhi deklaruan qëndrime të kundërta në lidhje me nepotizmin.
Ilir Meta u shpreh i bindur se në kryesinë e Partisë së Lirisë nuk do të ketë dy njerëz nga e njëjta familje. Sipas tij, do jetë vota që do të vendose kush do të qëndrojë, ai apo Kryemadhi.
“Në 27 prill ekzekutojmë nepotizmin, jo njerëzit, askënd. Askush s’ka të drejtë të bëjë viktimën. Ne ekzekutojmë fenomenin. Ne këtu kemi shumë raste të nepotizmit në Lezhë zoti Viktor që të thashë 10 herë”, tha Meta.
“Para statutit janë të barabartë të gjithë, edhe Ilir Meta. Nuk mund të ketë dy njerëz në një kryesi nga një familje. Kjo nuk do të thotë se u dashka të ikë Monika, mund të ikë Ilir Meta. Kjo zgjidhet me votim”, tha kreu i PL gjatë mbledhjes të hapur për mediat.
Ndërsa Kryemadhi tha se nepotizmi ëahzë mjet për prerje kokash në një parti politike. Të qënit në parti është vullnetare dhe jo detyrim familjar. Në qeverisje dhe administratë duhet shmangur nepotizmi, tha Kryemadhi.
“PL nuk ka nevojë për prerje kokash, sepse nuk ka cfarë koka të presë. PL ka nevojë për një program dhe hapësirë të re që ui krijon mundësi grave dhe vajzave, por jo atyre që përdoren dhe ngrihen kundër njëra tjetrës.
Votat nuk bëhen me like dhe share, por duke u takuar me njerëzit dhe duyke zgjidhur probleme.
Detyra jonë është ti hapim, sytë njerëzve, të forcojmë institucionin e familjes sepse familja e vogël bën familjen e madhe.
Detyra e një anëtari të partisë nuk është të vijë me piaggo dhe nesër të largohet me Range Rover”, tha Kryemadhi. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
