Dy persona, Gjergj Ndërshtiqaj dhe kunati i tij Gjon Nika u plagosën mbrëmë mënHot të Ri, Shkodër ndërsa ndodhen jashtë rrezikut për jetën në spitalin e Shkodrës, secili me nga dy plumba në trup.
Ndaj tyre janë qëlluar të paktën 100 plumba automatiku por cuditërisht një person i tretë që ishte me ta nuk ka marrë plagë. Në automjetin e djegur të autorëve u gjetën tre automatikë.
Gjergj Ndërshtiqaj është polic dhe vëllai i drejtorit të DPSHTRR në Shkodër. Ai ka patur me vete armën e shërbimit por nuk ka arritur të kundërpërgjigjet pasi plumbat nga kallashnikovët vinin me breshëri.
Makina e tyre madje mori flakë për shkak të plumbave, ndërsa ai së bashku me kunatin arritën të fshiheshin pas saj menjëherë sa nisën të shtinin mbi ta. Personi i tretë arriti të largohej dhe të fshihej aty afër.
2 të plagosurit janë pyetur nga policia nëse kanë arritur të njohin autorët, por ata kanë mohuar të kenë konflikte.
“Sapo zbritëm nga makina dëgjuam të shtëna armësh. Nuk kemi arritur që të shohim se kush ishin ata që na qëlluan me armë. Nuk kemi konflikte me persona të tjerë dhe nuk e dimë arsyen përse na qëlluan. Në momentin kur nisën të shtënat kemi lëvizur me shpejtësi duke u munduar të shpëtojmë. Derisa janë larguar qëndruam pas makinës”, tha njëri nga të plagosurit.
Policia dyshon se objektivi ka qenë shtetasi Gjon Nika. a.b
