Ministrja e Shëndetësisë dhe Mbrojtjes Sociale, Albana Koçiu njoftoi sot nga Pogradeci se MSHMS në bashkëpunim me Fakultetin e Mjekësisë kanë vendosur që këtë vit specializimet afatgjata, të ciklit të tretë, në “Mjekësi Familje” dhe “Mjekësi Urgjence”, t’i hapin pa testim.
Kjo do të thotë se vlerësimi dhe renditja do të bëhet bazuar në notën mesatare të të gjitha viteve të studimeve universitare, duke përfshirë edhe diplomimin.
“Në bashkëpunim me Fakultetin e Mjekësisë, kemi vendosur që specializimet për “mjekë familje” dhe “mjekë urgjence”, t’i hapim pa konkurrim që t’i japim mundësi këtyre dy specialiteteve që t’i përmbushim kuotat dhe të dedikojmë më shumë mjekë specialistë në këto dy fusha duke i dhënë mundësinë që edhe ata mjekë të përgjithshëm që bëjnë mjekun e familjes të mund ta ndjekin specializimin brenda institucioneve duke patur edhe një mentorim edhe nga Shërbimi i Urgjencës Kombëtare në këtë rast për mjekët e urgjencës, por edhe nga mjekë të specializuar për mjekët e familjes”, deklaroi ministrja e Shëndetësisë. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
