Rryma detare ka rrëmbyer sot një person në Porto Romano ndërkohë që rrëshqiti në det gjatë peshkimit. Ai është Aurel Ndoni, 40 vjeç nga Durrësi.
”Rreth orës 17:15, kanë shkuar për të peshkuar në Porto Romano, shtetasit Aurel Ndoni, 40 vjeç, E. N., 34 vjeç (vëllai i 40-vjeçarit) dhe M. V., 33 vjeç. Gjatë peshkimit dyshohet se ka rrëshqitur dhe ka rënë në ujë, shtetasi A. N, i cili është tërhequr nga rryma dhe nuk ka mundur të dalë nga deti”, njofton policia e Durrësit.
Shërbimet e Policisë Kufitare dhe ato të Drejtorisë Vendore të Policisë Durrës kanë shkuar menjëherë në vendin e ngjarjes dhe së bashku me polumbarët e RENEA-s do të kryejnë kërkimet për gjetjen e trupit të shtetasit A. N.
Ndërkaq, një grup i posaçëm hetimor i ngritur për rastin, po kryen hetimet për të zbardhur rrethanat. a.b
