Dervish Hasi, kirurgu 42 vjeçar, burri i 3 grave dhe i të katërtës në martesë me hoxhë, u la sot me mas arresti me burg, tri ditë pas arrestimit për marrëdhënie seksuale me një vajzë 16 vjeçare.
Por në fakt pikërisht kjo akuzë i është ndërruar duke u zëvëndësuar me atë të trafikimit dhe të pornografisë.
Në seancën e zhvilluar me dyer të mbyllura, Hasi ka mohuar akuzat dhe nëpërmjet avokatit të tij kërkoi masë më të lehtë sigurie.
”Kurrë në jetën time nuk kam bërë ndonjëherë trafikim apo pornografi me gruan time. Nëse i kam bërë atëherë jam dakord të qëndroj në burg”, tha Hasi në gjykatë.
Në telefonin e tij, hetuesit kanë gjetur materiale erotike të filmuara nga 42-vjeçari, i cili kishte edhe 3 gra të tjera, për të cilat po kryhen verifikime në drejtim të dyshimeve se ka prodhuar materiale pornografike.
Por Hasi ka thënë se marrëdhënia ishte me konsensus dhe dëshirën e vajzës së mitur, teksa edhe kjo e fundit e cilat është futur tashmë në programe të rehabilimitit, ka dëshmuar të njëjtën gjë. Ata e konsideronin njëri-tjetrin si të martuar me hoxhë. m.k
