Kryeministri Edi Rama do të mbajë në Tiranë një takim informal me kryeministrat e Ballkanit Perëndimor të hënën.
Kryeministrja e Serbisë, Ana Brnabiç, kryeministri në detyrë i Malit të Zi, Dritan Abazoviç, kryeministri i Maqedonisë së Veriut Dimitar Kovaçevski, kryetarja e Këshillit të Ministrave të Bosnje Hercegovinës, Borjana Kristo, si dhe Komisioneri për Zgjerimin e Komisionit Europian, Varheyly do të drekojnë së bashku me Ramën në Vilën 30, mesditën e së hënës, ku do të diskutohet për Procesin e Berlinit.
Kryeministri i Kosovës, Albin Kurti nuk ka konfirmuar ende praninë e tij në takimin e Tiranës. Një javë më parë ai refuzoi ta priste në Prishtinë kryeministrin Rama.
Mbledhja e radhës e nismës së Angela Merkelit, ndërmarrë në 2014, do të zhvillohet në mesin e Tetorit në Tiranë. m.k
