Këshilli Kombëtar i Territorit miratoi një leje ndërtimi për një hotël dy katësh brenda në det, në zonën e Lungomares në Vlorë.
Hoteli pritet të ngrihet mbi një pistë ekzistuese, që gjendet mes fushës së sportit dhe tunelit të Vlorës. Kompania përfituese e lejes së ndërtimit është Adhenis, e cila zotërohet nga Artur Shehu.
Ndërtesa në katin e parë do të ketë restorante dhe njësi shërbimi kurse kati i dytë i saj do të shërbejë si hotel. Sipas vendimit të KKT-së, thelbi i projektit është të shprehë dhe nënvizojë pamjet e jashtëzakonshme mbi Gjirin e Vlorës dhe gadishullin e Karabarunit.
Qeveria pak vite më parë shembi një hotel me leje në të njëjtin lokalizim, pëe të cilin qytetarët po paguajnë mbi 30 milionë euro. a.b
