Kryeministri i Kosovës Albin Kurti tha sot pas mbledhje së Këshillit të Sigurisë lidhur me rrëmbimin e tre policëve kosovarë nga forca serbe se është i gatshëm të bëjë dialog me Serbinë por se në Kosovë ka ligje dhe se ai nuk mund të bëhet shkelës i tyre.
“Kosova është Republikë Demokratike. Unë kam shprehur gatishmërinë time për dialog. Kur ta caktojnë takimin unë jam i gatshëm për dialog. Un nuk mund të shndërrohem në shkelës ligjin. Në Kosovë ka ligj dhe Kushtetutë. Kur të kemi sundim të ligjit që largon këto trazira ekstremistë të grupeve kriminale, në mënyrë graduale do ta zvogëlonim dhe ne praninë e policisë së Kosovës në Veri”- tha Kurti në një konferencë për mediat në Prishtinë
Kurti tregoi se dje ka biseduar me emisarin Gabriel Esobar dhe me ambasadorin amerikan Jeffrey M. Hovenier për sigurinë në Kosovë ndërsa janë në kontakte me Serbinë për të vizituar policët në burgjet ku po mbahen.
“Kam biseduar mbrëmë me Escobar dhe me ambasadorin amerikan në Kosovë, me të cikët kemi diskutuar situatën e sigurisë dhe unë ju kam thënë që KFOR të më sjellë informacion mua para mbledhjes së Këshillit të sigurisë që u mbajt sot, mirëpo asnjë informacion. Serbia thotë që ka arrestuar. Kjo është përpjekje për të deformuar rrëmbimin e policëve të Kosovës. Ne jemi në kontakt me të, dhe do i takojë e sot gjatë ditës. Jemi në kontakt për të bërë vizita në burgjet ku po mbahen policët tanë”- tha ai.
Kurti ka dhënë detaje për rrëmbimin dhe hetimet atje ndërsa kërkon që KFOR të japë shpjegme se pse nuk ka një deklaratë të tyre në lidhje me atë cfarë ka ndodhur.
“Kemi një foto të hartës që mund të shihni se si vendi ku janë marrë peng tre policët tanë ndodhet 1 kilometra larg kufirit. Rrëmbimi i policëve ka ndodhur në territorin e Kosovës. Kemi dhe fotografitë e rrugës së prerë që shihet qartazi që nuk kanë mundur ta tejkalojnë tutje siç pretendo Serbia. Nuk bëhet fjalë për arrestim në territorin e Serbisë po bëhet fjalë për rrëmbim të policëve në territorin e Kosovës. Në vendin e ngjarjes ka qenë KFOR, ku janë gjetur gjurmët e këpucëve të huaja dhe prangat. Ajo që më habit është fakti se as të nesërmen me këto fakte që ndodhën nuk del KFOR. Pse nuk del KFOR me shpjegim zyrtarë. Automjeti dhe ushqimi që kanë ngrënë policët ,gjithçka është thellë në territorin e Kosovës. Bëhet fjalë për dy formacione të Serbisë që kanë hyrë në Kosovë me të cilët duhet të merret KFOR”, tha Kurti.a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
