Rreth 1200 muxhahedine kanë mbërritur mbrëmjen e së premtes në Tiranë. Gjatë ditëve në vijim pritet të vijnë edhe rreth 700 të tjerë, duke bërë që numri total i tyre të arrijë në afro 1900.
Mësohet se të gjithë muxhahedinët e mbërritur rishtas do të vendosen në apartamentet e disponuara nga dy kompani të mëdha ndërtimi. Ata kanë zbarkuar pas “Casa Italias” dhe do të strehohen në pallatet që shteti ka vënë në dispozicion të tyre.
Përzgjedhja e kompanive është bërë me tender nga ana e UNHCR, e cila ka marrë me qira apartamentet nga dy firmat e ndërtimit në periferi të Tiranës.
Njëra prej kompanive ka marrë përsipër akomodimin e 1200 prej tyre.
Pritet që në vijim të bëhet akomodimi i pjesës tjetër të muxhahedinëve.
Sekretarit Amerikan të Shtetit, John Kerry, gjatë vizitës në muajin shkurt në Tiranë, ka falënderuar Shqipërinë për strehimin e muxhahedinëve.
“Gjate dy viteve të fundit, Shqipëria ka strehuar rreth 1000 muxhahedinë si dhe ka rënë dakord për të strehuar dhe 2000 të tjerë”, ka thënë për Zërin e Amerikës një zyrtar i lartë i Departamentit Amerikan të Shtetit në atë kohë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
