Kandidati i PD së regjistruar me logo në KQZ, Ibrahim Bruka, që do të konkuronte në Vorë, nuk ia ka dalë të regjistrohet.
Kreu i KZAZ në Vorë, Olti Kurti tha për News24 se deri mbrëmjen e djeshme kur ishte afati përfundimtar i regjistrimit të kandidatëve, është regjistruar vetëm kandidati i koalicionit ‘Bashkë Fitojmë’ dhe ai i PS-së.
‘Deri mbrëmë në orën 24:00 kur ka qenë afati zyrtar për regjistrimin e kandidatëve, janë paraqitur vetëm kandidati i PS edhe koalicionit ‘Bashkë fitojmë’’, tha ai.
Ndërkaq Bruka ka dhënë shpjegimin e tij në lidhje me këtë fakt duke shprehur shpresën se mund tia dalë të regjistrohet.
‘Për shkak të një arsyeje familjare nuk kam mundur të regjistrohem dje, por do komunikoj me KQZ për tu regjistruar sot’, ka deklaruar mjeku i njohur Ibrahim Bruka. a.b
