Nga 20 kandidatë që ka propozuar Akibeaj në zgjedhje, 4 prej tyre janë larguar qysh mbrëmë duke ulur në 16 numrin e kandidatëve.
“Manovrat e Ramës për stërzgjatjen e procesit gjyqësor dhe duke vazhduar më pas me gjuhën banale të Sali Berishës ndaj pjesës së PD-së që mendon ndryshe nga ai”, deklaroi Alibeaj sot në një konferencë shtypi.
Pavarësisht se në mbledhjet e struktuarave u ra dakord që të garohej me kandidatë në 20 bashki, disa prej tyre duket të jenë tërhequr.
“Janë rreth 20 të depozituar. Ne kemi respektuar të gjithë procedurën tonë. Të gjitha procedurat vazhdojnë në KQZ dhe KZAZ.”
Por teksa Alibeaj fliste për fitore në zgjedhjet e 14 Majit, Gjergji Gjata, i përzgjedhuri si kandidat për bashkinë e Korçës ka njoftuar tërheqjen nga gara për zgjedhjet e 14 Majit së bashku me 40 kandidatët për anëtarë të Këshillit.
”Tërhiqemi nga gara elektorale, në mënyrë të parevokueshme për Zgjedhjet Vendore 2023, për mungesë të procedurave vendimmarrëse në organet drejtuese të PDSh lidhur me kandidimet, si dhe për shkelje të integritetit dhe dinjitetit të të gjithë kandidatëve, cënuar nga vendime personale dhe jo kolegjiale. Urojmë më të mirën për Korçën dhe suksese për kandidatët më të mirë në të gjithë vendin”, deklaroi Gjata.
Ndërkohë kanë dhënë dorëheqjen kandidatët në Librazhd, Kurbin, Lezhë, Klos, Mat etj.
Alibeaj nuk ka nxjerrë kandidatë në bashkitë e Elbasanit, Durrësit Shkodrës, Lushnjes etj ku demokratët e bazës kanë vendosur të mbështesin kandidatët e primareve të Berishës.a.b
