Artan Lame ka dhënë dorëheqjen nga detyra si drejtor i Agjencisë Shtetërore të Kadastrës pas gati 10 vitesh në krye të institucioneve të kësaj natyre. Në vitin 2013 ai mori detyrën e kreut të Agjencisë së Legalizimit dhe Urbanizimit të zonave Informale (ALUIZNI).
Më pas, në 2019-ën ai u vendos në krye të Kadastrës, një institucion që bashkoi ALUIZNI-n me Hipotekën.
Dalja e fundit publike e Lames ishte këtë të enjte në krah të kryebashkiakut të Tiranës, Erion Veliaj i cili inspektoi asfaltin e radhës në një rrugicë të kryeqytetit.
Nesër ose të shtunën në vendin e tij do të prezantohet Dallëndyshe Bici, kreu i Inspektoratit Kombëtar të Mbrojtjes së Territorit. a.b
