Pritet të hapen degë apo kurse të reja mësuesie për lëndë që jepen nga profesipnistë jashtë fushave.
Bëhet fjalë për të diplomuarit në një fushë të ngjashme ose të përafërt me fushën e mësuesisë, si inxhinieri, ekonomi, arte, gjuhësi, përkthim që do të kryejnë formimin e nevojshëm psiko-pedagogjik.
“Prej vitesh në sistemin arsimor parauniversitar, disa lëndë si: Ekonomi, Informatikë, Arte, Filozofi, Teknologji, jepeshin nga mësues të profileve të tjera ose nga profesionistë të këtyre fushave që nuk ishin diplomuar në fushën e mësuesisë, e të cilëve u mungonte formimi i nevojshëm pedagogjik e metodik”, shpjegon ministrja e Arsimit, Evis Kushi e cila ka miratuar udhëzimin që iu hap udhën universiteteve të nisin me aplikimin për miratimin e programeve.
“Ftoj të gjitha universitetet që, bazuar në këtë udhëzim, të paraqesin sa më shpejt aplikimet për miratimin e programeve të nevojshme, për t’u dhënë mundësi të interesuarve që të regjistrohen që në vitin e ri akademik 2023-2024”, u shpreh Kushi. m.k
