Drejtoria Vendore e Kufirit dhe Migracionit Vlorë, lidhur me publikimin në rrjetet sociale, të një videoje ku në plazhin e Ksamilit duket një fëmijë duke drejtuar skafin në mesin e shtetasve të tjerë që notojnë, bën me dije se:
Gjatë verifikimeve të kryera nga shërbimet e Stacionit përkatës, në lidhje me rastin u bë e mundur kapja dhe shoqërimi i mjetit lundrues motoskaf plastik me mbishkrimin “Gabriela” në pronësi të shtetasit A.Ç., 44 vjeç, lindur në Tepelenë dhe banues në Ksamil.
Bazuar në deklarimet e pronarit të mjetit, ka rezultuar se më datë 07.08.2016, rreth orës 19:00, djali i tij shtetasi U.Ç., 20 vjeç, së bashku me shtetasin A.M., rreth 13 vjeç, kanë marrë mjetin nga vendbazimi ku ndodhej, pa lejen e tij (pronarit) dhe kanë dalë në lundrim brenda zonës së ndaluar.
Policia ka bërë bllokimin adminisrativ të mjetit lundrues deri në përfundimin e procedurave të plota për vendosjen e gjobës.
