Në foto deputeti Driton Caushi në momentin e arrestimit
Deputetët e opozitës kanë rikthyer sërish gazin lotësjellës në ambientet e Kuvendit të Kosovës. VV ka postuar ne profilin zyrtar te saj ne rrjetet sociale videon e momenteve te hedhjes se gazit lotsjelles duke shkruar:
“Arroganca e pushtetit, që përkundër fakteve të pakontestueshme po insiston në ratifikimin e demarkacionit, do të përballet me rezistencë të fuqishme. Kosova nuk ka tokë për të falur!”
Mësohet se ka qenë Driton Çaushi që ka hedhur gaz në mbledhjen e Komisionit për Punë të Jashtme në të cilën po bëhej shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi, raporton “Gazeta Express”. Ai eshte arrestuar pak momente pas ngjarjes.
Deputetja e Kuvendit të Kosovës në radhët e Lëvizjes Vetëvendosje, Donika Kadaj Bujupi ka thënë se kjo lëvizje nuk do të rri duarkryq gjatë votimit të demarkacionit.
“Lëvizja Vetëvendosje do të përdorë edhe format më jokonvencionale për të ndalur sic ka thënë ajo tradhëtinë që po i bëhet vendit”, ka thënë Kadaj-Bujupi.
Sakaq, Komisioni për Punë të Jashmte i Kuvendit të Kosovës, edhe përkundër gazit lotsjellës që u hodh brenda në sallë, ka arritur të votojë projektligjin për Demarkacionin.
Projektligji u votua dhe u procedua për në Kuvend, ka njoftuar kështu kryetari i Komisionit për Punë të Jashtme, Elmi Reçica.
Ai tha se edhe përkundër situatës së krijuar nga gazi lotsjellës ne e votuam projektligjin dhe si i tillë ka kaluar në procedurat tutje.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
