Big Brother”, ditën e djeshme, futi një zarf të zi në shtëpi, ku në të thuhej se Luizi, Olta, Armaldo dhe Kristi vazhdojnë të injorojnë rregullat e kësaj loje, njëra prej të cilave është edhe diskutimi për nominimet.
Për këtë arsye “Vëllai i Madh” i penalizoi banorët duke i “burgosur” në “Burg Brother Vip”. Dënimi fillon që nga mbrëmja e djeshme deri në Prime-n e ardhshëm. Megjithatë, duket se Kiara dhe Luizi edhe pse të ndarë nuk mund të rrinë pa ia shprehur dashurinë njëri-tjetrit.
Këngëtari ka dalë në oborr dhe ka thërritur emrin e moderatores, e cila i është përgjigjur menjëherë. Ai i ka thënë “të dua”, ndërsa Kiara i është përgjigjur “edhe unë”.
Ditën e djeshme, Luizi ka diskutuar së fundmi me banorët, të cilët i ka siguruar se plani dhe surpriza e tij për këtë Shën Valentin, do të jetë diçka që nuk është parë asnjëherë më parë në asnjë “Big Brother.” Ai shkoi aq larg sa e cilësoi surprizën e tij si “historike.”
“Do jetë një Shën Valentin historik, do të mbetet gjatë. Është një surprizë që nuk e ka bërë askush në një “Big Brother”-tha Luizi, pa zbuluar detaje të mëtejshme.
Pas deklaratës ku u shpreh se në “Big Brother Vip” kishte njohur dashurinë e jetës, Kiara Tito e ka “bombarduar” Luizin me fjalë të ëmbla.
Teksa ndodheshin të ulur pranë njëri-tjetrit, ka qenë moderatorja ajo që ka folur dhe këngëtari ai që si në ëndërr ka dëgjuar fjalët që prej kohësh priste të dëgjonte.
“Nuk është normale. Aq më shumë që kalon koha, aq më mirë ndjehem me ty. Mund të vijë një ditë që thua u mërzita, u mërzita duke ndenjur me një njeri gjatë. Nxehesh, zihesh, por është komplet e kundërta. Sa më shumë rri, aq më shumë më shtohet dashuria,”-tha Kiara.
