Të numër të rinjsh nga Forumi Rinor i PD protestuan sot në mesditë në Surrel përpara banesës së kryeministrit Edi Rama. Me pankarta në duar, të rinjtë bëjnë thirrje që Rama të japë dorëheqjen, ndërsa shpalosën pankarta ku shkruhej ‘Faktet dolën, jep dorëheqjen”.
“Jemi këtu për t’i kthyer vizitën kryeministrit Edi Rama. Ai ka futur duart në xhepat e qytetarëve dhe ka hyrë brenda shtëpive tona. Ka tentuar të asgjësojë të gjithë zërat kundër tij për të mbajtur pushtetin e një autokrati. ne jemi këtu dhe këtu do qëndrojmë çdo ditë. Një pikënisje dhe një thirrje për qytetarët që të na bashkohen më 11 shkurt. Ne jemi këtu, qytetarët shqiptarë janë këtu. Do jemi në mbështetje të çdo kauze qytetare. Ne mendojmë se Rama nuk meriton më të jetë në postin e kryeministrit. Ai ka tentuar asgjësimin e opozitës shqiptare. Ne nuk e duam më kryeministër”, tha një prej të rinjve pjesëmarrës në protestë, transmetoi news 24.
Mënjehrë pas fillimit të protestës kanë shkuar në vend forca të shtuara policie edhe pse protesta mbahte afro 1 km larg nga shtëpia e kryeministrit. a.b
