Gazeta New York Times ka zbuluar detaje të reja se si ish zyrtari i lartë i FBI-s Charles McGonigal, nuk i kishte mbajtur të fshehta takimet e zhvilluara në Shqipëri me kryeministrin Edi Rama, raporton Top Channel pa specifikuar se për cilët takime bëhet fjalë.
Gazeta New York Times sjell këtë detaj i cili fakton qëndrimin e kryeministrit:
“Gatishmëria e McGonigal për t’u takuar me kryeministrin e Shqipërisë, një vend i cili ka një prezencë diplomatike amerikane, sugjeron se ai nuk e mbajti sekret tek kolegët përfshirjen e tij, na thotë një ish zyrtar. Po ashtu McGonigal përdori adresën zyrtare të FBI-së dhe telefonin për këto çështje, na thotë një person me dijeni të këtij hetimi”, transmeton Top Channel duke cituar New York Times.
Për sa i përket shumës prej 225.000 dollarë dhënë McGonigal nga Neza, New York Times thotë: “Prokurorët nuk kanë ngritur asnjë akuzë ndaj McGonigal apo të kenë ndërmarrë ndonjë veprim tjetër për shkëmbimin e shumës 225.000 dollarë në cash”.
New York Times ndalet edhe tek çështja Muzin-Basha: “Mbetet e paqartë nëse Departamenti Drejtësisë ndërmori hapa të tjerë për hetuar Nick Muzin dhe asnjë akuzë nuk u ngrit kundra tij. Vetë Muzin në një deklarim është shprehur se “nuk kishte arsye të besonte se përse të ishte viktimë e një hetimi të rremë. “Nëse do të isha, do të isha i pafat dhe shpresoj do të bëhet drejtësi”, transmeton Top Channel duke cituar New York Times. Top channel
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
