OSHEE ka vendosur të ngrej nivelit e shërbimit ndaj klientit duke shpezuar rreth 400 milion lekë. Të gjitha këto para do të shpenzohen me qëllimin që klienti të kuptoj se ka hyrë në zyrat e operatorit të energjisë elektrike për të paguar faturën e energjisë, apo për të marrë një shërbim tjetër. Për këtë OSHEE ka zhvilluar tenderin me objekt “Furnizim, vendosje dhe Mirembajtje e elementeve te brandimit ne qendrat e kujdesit ndaj klientit dhe zyrat Administrative te OSHEE Group sh.a. per 2 vjet” .Fondi i vënë në dispozicion është 398 milionë lekë, ndërsa vlera e kontratës së shpallur fituese pas tenderit është 398 milionë lekë.
Diferenca mes të dyjave është vetëm 475 mijë lekë të vjetër.Më konkretisht me këto para OSHEE do të blejë; Tabela treguese për në hyrje të pikave, do të bëj brandimin e makinave me logo OSHEE, korniza te brendshme reklamimi poster nga nje ane, korniza reklamimi ne fasade, poster nga të dy anët, brandimi të televizorëve ,perde të personalizuara, mes tyre dhe mirëmbajtje të tabelave egzistuese.
Tënderi është fituar nga operatori i vetëm në garë pra pa garë, shoqëria Dixhi Print – al sh.p.k.
Nga pasqyrat në Komisionin Qëndror të Zgjedhjeve del që kjo shoqëri ka menaxhuar fushatën e Partisë Socialiste në vitin 2015.
Në këtë raport pasqyrohen shpenzime për eventet e hapjes dhe mbylljes së fushatës nga të cilat , shërbime nga Dixhi Print al sh.p.k në vlerën 52 milionë lekë. Nga kjo shumë rezulton se dy milion lekë janë shpenzime të papaguara për mungesë fondesh duke u evidentuar e deklaruar në Kontabilitetin e Partisë si detyrime që do të shlyhen kur të sigurohen këto burime.
Përveç borxhit të fushatës së vitit 2015 që partia socialiste ja shleu subjektit Dixhi Print në janar 2021, kjo kompani po shpërblehet nga institucionet që drejtohen nga socialistët edhe me tendera pa garë. mcntv
