Seref Lelaj, 74 vjeçari i arrestuar, ka dëshmuar në polici se e gjeti të vrarë 21-vjeçarin Endri Kosteja, çobanin që punonte në stanin e tij. Lelaj u tha hetuesve që i dha ndihmë duke e dërguar në spital. Por arma e krimit nuk është gjetur akoma, kurse në vendin e ngjarjes ekspertët sekuestruan vetëm një gëzoje te kalibrit 6.2 dhe mostra të njollave të gjakut.
Policia vazhdon të hetojë në dy pista, atë të vrasjes dhe të vetëvrasjes.
Ndërkohë dy djemtë e 74 vjeçarit janë ende në kërkim.
Endri Kosteja ishte një i ri nga Librazhdi i punësuar në stanet e Mesaplikut në Vlorë. Prej një muaji ai nuk kishte shkuar te prindërit e tij, me pretendimin se pronarët nuk I jepnin rrogën. Trupi i pajetë u gjet nga banorët e Vranishtit mbrëmjen e mërkurë, dhe u dërgua në spitalin e Vlorës. Eskpertët konstatuan se ai ishte qëlluar me një plumb në syrin e djathte dhe nuk kishte asnjë shenjë tjetër dhune apo plagë me armë zjarri.
DETAJE/ Vrasja e çobanit në Vlorë, flet pronari i arrestuar i stanit
