Një shqiptar u vra këtë mbrëmje në Athinë si pasojë e një shkëmbimi me armë zjarri.
Ai u qëllua nga një person i cili qëlloi jashtë ambienteve të një lokali në Nea Smyrni, në Athinë.
Dyshohet se si pasojë e të shtënave humbi jetën një grua e cila ishte rastësisht në zonë.
Viktima me shtetësi shqiptare raportohet se është qëlluar në kokë nga autori i cili sipas dëshmitarëve ka qëlluar të paktën 4 herë drejt viktimës, ndërsa mbante një maskë për të mos u identifikuar. Para se të humbte jetën, edhe viktima ka arritur ta qëllojë ekzekutorin, i cili ka mbetur i plagosur.
Autori u arrestua nga policia, ndërsa në vendngjarje janë gjetur 3 gëzhoja 9 mm.
