Marrëveshja Roaming për tarifa më të ulëta të shërbimit celular është nënshkruar gjatë samitit BE-Ballkani Perëndimor.
27 liderët e vendeve të Bashkimit Evropian kanë firmosur marrëveshjen për heqjen e tarifave “Roaming” me vendet e Ballkanit Perëndimor. Marrëveshja do të hyjë në fuqi më 1 tetor 2023.
Kryeministri Edi Rama mikëpriti në sheshin “Italia” lideret e Bashkimit Europian dhe ata të vendeve të Ballkanit Perëndimor në nisje të Samitit që po mbahet sot në Tiranë. Janë 27 liderë të BE që kanë mbërritur në Tiranë teksa kryeqyteti është blinduar. Pritet ndërkaq edhe protesta e opozitës rreth mesditës.
Aktualisht, kemi një marrëveshje ekzistuese në Ballkan për tarifat Roaming. Sipas kësaj marrëveshje, kur qytetarët shqiptarë shkojnë në vendet e rajonit, e përdorin më mirë shërbimin e telefonisë, ndaj është vendosur që të ketë një marrëveshje më të gjerë tani.
Sipas marrëveshjes të nëshkruar sot, do të kemi tarifa më të ulëta kur shkojmë në vendet e Bashkimit Europian. Kjo është marrëveshja e parë që është nënshkruar nga përfaqësuesit e Bashkimit Europian dhe Ballkanit Perëndimor. a.b
