Ngatërresa “BallkanHapu” lipset të kundërshtohet edhe më fort nga politikanët e aktorët publikë maqedonas e serbë apeloi Genc Pollo në Shkup në një konferencë të Levizjes Paneuropiane. “Procesi i Berlinit është udhë europiane
për të gjitha shtetet e rajonit që bashkon e nuk përçan.”
Pollo ju referua qëndrimit refuzues të Parlamentit Europian para një jave ndaj kësaj nisme të cilësuar nga rezoluta e Strasburgut si jo-europiane.
Pollo mori pjesë si kryetar i Paneuropës shqiptare përkrah eurodeputetit austriak Lukas Mandl, homologut maqedonas Andrej Lepavcov dhe Sekretarit të Përgjithshëm të Paneuropës Ndërkombëtare Pavo Barišić. Ai theksoi gjithashtu se është e papranueshme që turma serbësh në Austri e gjetkë të bllokojnë rrugët duke thirrur “vdekje shqiptarëve” vetëm se Serbia u mund nga Zvicra në futboll. Faji e përgjegjësia është tek regjimi i Vucicit me propagandën shtetërore të bazuar në urrejtjen etnike pasi deshtuan me spastrimin etnik dy dekada më parë. Pollo kujtoi se Parlamenti Europian kerkoi ndërprerjen e negociatave me Serbinë deri kur Beogradi të adoptoje sanksionet anti Putin të Bashkimit Europian. Ai u shpreh se shpresonte që Komisioni Europian dhe shtetet anëtare të BE të mbanin të njëjtin qendrim ndaj ketij regjimi gati putinian.
