“Kohët e fundit Iroldina dukej tepër e shqetësuar. Ndoshta ajo po vuante një periudhë depresive, çka e ka shtyrë drejt aktit të rëndë. Por askush nuk e mendoi se mund të ndodhte kjo”, shprehet shefi i repartit të policisë, Artan Arapi për gazetën Panorama. Kolegët mohojnë të kenë dijeni për ndonjë lidhje apo zhgënjim të saj në këto kohë.
Të afrim të oficeres së policisë së Sarandës që vrau vetendy ditë më parë kanë shpjeguar se ajo ishte rilidhur me të atin në Amerikë dhe babai e kishte ftuar të bijën të shkonte të jetonte me të. Por ajo i kishte kërkuar ta merrte me gjithë të ëmën, gjë e cila është refuzuar prej tij.
Për shkak të sëmundjes së nënës dhe pamundësisë së gjyshes për të punuar, asaj i ishte dashur që të kthehej në shtyllën e familjes që në adoleshencë.
Iroldina kishte munguar të premten në punë. Po ashtu nuk u ishte përgjigjur telefonatave të kolegëve që do t’i dorëzonin turnin.
Pas kësaj në orët e pasdites, njëri prej kolegëve të tij ka trokitur në derën e shtëpisë dhe derëne ka hapur gjyshja e Iroldinës. Por kjo e fundit nuk ka pritur që kolegu i saj të futej në dhomë dhe të përballej me gjendjen e saj. Ajo ka tërhequr këmbëzën e armës, duke u vetëqëlluar në kokë, sapo ka dëgjuar zërin e kolegut në korridor, duke mos i dhënë kohë këtij të fundit të futej më tej e ndoshta të parandalonte këtë tragjedi.
Policia e Sarandës gjatë këqyrjes së vendit të ngjarjes sekuestroi armën e krimit, një pistoletë tip “TT”, një gëzhojë dhe krehrin me 6 fishekë, të cilat ishin pajisjet e shërbimit të 25-vjeçares.
