Dy raketa ruse ranë në territorin polak këtë mbrëmje pranë kufirit me Ukrainën duke shkaktuar dy të vrarë.
Raketat ranë në shtetin e NATO-s pas bombardimeve masive të Rusisë mbi qytetet ukrainase më herët sot, ku u lëshuan mbi 100 raketa.
Një zyrtar i lartë i inteligjencës amerikane tha se raketat ishin me origjinë ruse, transmeton AP.
Kryeministri i Polonisë, Mateusz Morawiecki, ka mbledhur Komitetin e Këshillit të Ministrave për Çështjet e Sigurisë Kombëtare dhe Mbrojtjes “si një çështje urgjente”, konfirmoi zëdhënësi i qeverisë Piotr Müller, me faqet lokale të lajmeve që pretendojnë se ky ka të ngjarë të jetë rezultat i shpërthimeve.
Raketat ranë në qytetin Przewodów, duke goditur tharëset e drithit. Policia, zyra e prokurorit dhe ushtria thuhet se janë tashmë në vendngjarje.
Ndërkohë, Forcat e Armatosura polake thuhet se janë në “gadishmëri të lartë”.
Disa analistë kanë sugjeruar se objektivi i synuar i raketave mund të ketë qenë Lviv, një qytet ukrainas rreth 100 km në jug të Przewodów. r.j
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
