Autori, Denis Zaka
Dalin në dritë të tjera detaje nga mashtrimet se të riut Denis Zaka i cili është autori i vrasjes së kushëririt të tij Vladimir Murrizi më 3 gusht 2016 në Greqi. Pasi u konfliktuan për shkak të fyerjes së gruas Zaka e qëlloi djalin e dajës me thikë duke i marrë jetën. Më pas e groposi dhe për të humbur gjurmët nisi mashtrimet.
Fillimisht ai i ka shkruan në Messenger bashkëshortes së viktimës ku i thoshte që Vladimiri ishte nisur për në Shqipëri. Shqetësimit të saj se përse ai nuk po vinte në shtëpi, autori i përgjigjej që nuk dinte gjë. Sipas tij, viktima ishte nisur për në Shqipëri me një taksi me dy shtetas grekë të komunitetit rom, të cilët ai nuk i njihte dhe kushedi se çfarë mund të kishte ndodhur, thanë burimet e hetimit.
Me kërkesë të babait të viktimës (daja i autorit), Denis Zaka vjen në Shqipëri dhe jep një variant tjetër për vrasjen e kushëririt në Greqi. Sipas tij, ai dhe viktima, së bashku me dy grekë të komunitetit rom, vjedhin së bashku një frezë, të cilën do ta shisnin. Pas vjedhjes, ai ka pretenduar se patën përplasje me grekët, të cilët i qëlluan të dy me thika, por nga goditjet vdiq viktima Vladimir Murrizi. Autori pretendoi para familjarëve se nuk kishte bërë denoncim, pasi dy grekët e kishin kërcënuar, thanë burimet.
Prokurorët thonë se gjatë hetimit ai ka rrëfyer një tjetër variant që mbështet edhe nga provat se ai ka vrarë kushëririn e tij për shkak të debateve banale, pasi kishin konsumuar alkool. Zaka është lënë nga gjykata në arrest me burg.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
