“Klani i shqiptarëve në Itali është mafia e pestë. Dhe nuk e them sot”.
Kush e njeh prokurorin Manfredi Palumbo e di një gjë të tillë. Ekzistonte ende prefektura në Pezaro kur ai ishte ndër të parët që jepte alarmin për rrezikun që vinte përtej Adriatikut.
Palumbo shpjegon në një intervistë për “Corriere di Adriatico”, se 18 vjet më parë kur nisën zbarkimet e para të refugjatëve, dhe mes tyre kishte dhe nga ata të cilët do të vendosnin lidhjet dhe rrënjët për zhvillimin e trafikut të drogës dhe prostitucionit.
Për sa i përket trafikut të drogës, prokurori Italian komplimentoi forca të policisë duke thënë se sasitë rekord të drogës së sekuestruar janë një provë më shumë për të vërtetuar deklaratën e tij. Prokurori i Pesaros e identifikon aktivitetin kriminal të organizatave shqiptare në Itali si Mafia e 5, pasi në këtë vend ekzistojnë 4 mafie të njohura historikisht, Kamorra mafia napoletane; Cosa Nostra, mafia siciliane; Ndragheta, mafia calabraze; Sacra Corona Unita, mafia pulieze.
Klani i shqiptarëve në Itali është mafia e pestë
