Kryeministri Edi Rama po vijon sot vizitën në Jerusalem, Izrael,ku u prit nga Presidenti i Izraelit Isaac Herzog i cili vlerësoi takimin me Kryeministrin Rama shumë të rëndësishëm sa i përket miqësisë së ngushtë që ka ekzistuar gjithmonë mes dy popujve, që është dëshmuar në situata të vështira, si dhe tëmarrëdhënieve të respektit reciprok mes vendeve, raporton zyra e shtypit e kryeministrit Rama.
Nga ana e tij, kryeministri Rama falënderoi për mikpritjen, duke vlerësuar miqësinë vëllazërore mes popujve si një vlerë të çmuar që ka udhëhequr gjithmonë marrëdhëniet dhe dialogun mes qeverive dhe vendeve.
“Shqipëria ka qenë gjithmonë një shtëpi e dytë për hebrenjtë.” – u shpreh Kryeministri Rama gjatë takimit, i cili vijoi me diskutime mbi forcimin e bashkëpunimit dypalësh në fusha me interes të ndërsjellë për vendet, si ekonomia, turizmi, etj.
Gjatë kësaj vizite, Kryeministri Rama mori pjesë në ceremoninëe organizuar nga Lëvizja Lufto Antisemitizmin, ku iu drejtua të pranishmëve me një fjalë.
Një ditë më parë Rama u takua me kryeministrin, Yair Lapid, dhe ministrin e Financave Liberman, për forcimin e bashkëpunimit dypalësh në fushën e sigurisë kibernetike e të mbrojtjes, të ekonomisë dhe të turizmit. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
