Një zjarr ra mbrëmë në një hotel në Shëngjin që fatmirësisht u shoqërua vetëm me dëme materiale.
Flakët u shfaqën në sistemin elektrik të katit të fundit të hotelit që krijoi frikë tek pushuesit, kjo për shkak të tymit që u përhap me shpejtësi. Ndërhyrja e personelit të hotelit dhe pajisja e tij me fikset e zjarrit bëri që situata të minimizohet ndjeshëm deri në mbërritjen e zjarrfikësve. Këta të fundit lokalizuan dhe fikën e menjëherë flakët duke neutralizuar përhapjen e tyre.
Mësohet se nuk ka pasur asnjë pushues të lënduar, pasi në kohën kur ra zjarri në hotel ndodheshin pak persona të cilët u evakuuan.
Dyshimet e para për këtë zjarr i referohen një shkëndijë elektrike në panelin elektrik që përfshiu edhe ashensorin, por nuk ka prekur asnjë dhomë të hotelit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
