4646 metra katrorë pa leje në mes të Tiranës, do t’i kalojnë shtetit me kontratë noteriale, deklaroi sot kryeministri Edi Rama përmes një videomesazhi në Facebook.
Sipas tij ky shënon edhe aktin e parë të dorëzimit te shteti të ndërtimeve pa leje.
Kryeministri Rama thotë se ka ardhur kapitulli i fundit i kësaj përpjekje të gjatë teksa ka shtuar se me këtë qeveri, “nuk i blejnë dot”.
Ndërkohë Rama nuk ka bërë të ditur asnjë detaj konkret rreth kontratës, pronarit që ka dhënë metrat, gjobën që ka marrë dhe se ku ndodhet ky ndërtim.
Gjatë videos së publikuar duket vetëm pak koka e dosjes me logon e qeverisë. a.b
