Policia e Durrësit trukon lajmin për katastrofën mjedisore në Gjepalaj të Shijakut, qindra tonë plehra i duken si zjarr gomash

Një zjarr i madh plehrash u ndez sot në Gjepalaj të Shijakut, ndërkohë që për të denoncuar ndotjen ka shkuar atje edhe Ilir Meta.

“Edi Rama edhe të vjedh edhe të helmon!

Sot në Gjepalaj të Shijakut, atje ku Edi Rama helmon njerëzit duke djegur tonelata me plehra për tërë natën, në pabesi ndaj komunitetit. Shijaku, Romanati dhe Ndroqi, sikur ka ndodhur një sulm kimik.
Solidaritet me të gjithë komunitetin! Koha e të pabesëve po mbaron!”, shkruan Meta në rrjete sociale.

Por policia e Shijakut raportoi më herët në lidhje me një zjarr që sipas tyre ishte shkaktuar nga goma. Policia ka arrestuar edhe një person ndërkohë që ka postuar foto të një zjarri dëllinjash.

Qartësisht policia bëri përpjekje të fshihte katastrofën mjedisore në Shijak duke trukuar ngjarjen me një inskenim ku digjen tre goma dhe tre dëllinja.

Policia nuk ka arrestuar askënd për zjarrin në Gjepal.

Policia bëri inskenim ndërkohë që edhe vetë bashkia e Shijakut e pranoi skandalin.

Zjarri që u ndez në Gjepalaj dhe zjarri sipas policisë

Kryebashkiaku i Shijakut, Elton Arbana më herët kareaguar për Fax News lidhur me videon e shpërndarë nga Meta, duke e cilësuar si një inskenim politik dhe zjarrvënie të qëllimshmne për të dëmtuar arritjet e bëra në këtë bashki, por nuk tha sic bëri policia, se po digjen gomat.

Më poshtë është ‘shakaja’ e policisë së Shijakut:

Dogji goma dhe pjesë të tjera makinash, duke shkaktuar ndotje të ajrit, identifikohet, kapet dhe vihet në pranga 47-vjeçari.

Shërbimet e Komisariatit të Policisë Shijak menjëherë pas marrjes së njoftimit për ndotje të ajrit si pasojë e djegies së gomave të makinave dhe sendeve të tjera, në fshatin Sallmonë, Shijak, kanë organizuar punën dhe falë informacioneve të marra në rrugë operative kanë bërë të mundur identifikimin, kapjen dhe arrestimin në flagrancë të autorit të dyshuar të kësaj veprimtarie të kundërligjshme, konkretisht të shtetasit:

-A. M., 47 vjeç, banues në Sallmonë, Shijak, pasi në këtë fshat kishte djegur goma, sedilje makinash dhe mbetje të tjera plastike, me qëllimin nxjerrjen e materialeve metalike, duke shkaktuar ndotje të madhe të ajrit.

Në cilësinë e provës materiale iu sekuestrua një karrocë dore, me të cilën transportonte materialet metalike që nxirrte nga djegia e këtyre sendeve.

Materialet hetimore i kaluan Prokurorisë, për veprime të mëtejshme, për veprën penale “Ndotja e ajrit, e ujërave dhe e tokës”. a.b

/DRONI.al/