Një i ri shqiptar u qëllua për vdekje nga policia gjermane. Ngjarja ndodhi rreth orës 07:40 të mëngjesit të kësaj të diele në një apartament në Löwenberger Strasse në Berlin-Lichtenberg.
Mediat gjermane bëjnë me dije se një 23-vjeçar me origjinë nga Kosova ka sulmuar me sëpatë një 27-vjeçare ukrainase në katin e 9-të të një pallati.
“Kur policia mbërriti, burri goditi gruan e shtrirë në tokë me sëpatë, më pas ai u qëllua nga efektivët duke u plagosur për vdekje”, tha zëdhënësi i polivisë Dams.
Edhe 27-vjeçarja ukrainase u plagos rëndë dhe nuk mundi dot t’i mbijetojë plagëve të marra.
Mediat gjermane shkruajnë se marrëdhënia mes autorit dhe viktimës është ende e paqartë, ndërkohë që identitetet e tyre nuk bëhen ende me dije.m.k
