Hotel Tirana nënshkruan marrëveshjen me “InterContinental Hotels Group”

U nënshkrua sot marrëveshja mes Hotel Tirana dhe Intercontinental Hotel & Resorts, një nga markat globale “5 Star Luxury”.

Brandi “InterContinental hotel” është një prej 17 brandeve të zinxhirit ndërkombëtar InterContinental Hotels Group dhe një nga 6 brandet  “Luks”  të këtij zinxhiri, që operon me rreth 6,000 hotele, ka në proces ndërtimi rreth 1800 hotele te tjerë në rreth 100 vende në botë dhe punëson rreth 350,000 persona. 

Prej shumë vitesh “InterContinental Hotels Group” është grupi lider në botë sa i përket numrit të shtretërve dhe njëkohësisht është një nga pionierët e turizmit të standardeve më të larta (LUKS). Projekti në fjalë sjell një avantazh për Tiranën duke e kthyer në një pol të rëndësishëm në rajon për zhvillimin e turizmit të konferencave, biznesit, duke siguruar një infrastrukturë me një kapacitet shume të lartë.

Pjesë nga fjala e Ramës:

Në përshëndetjen e mbajtur me këtë rast, kryeministri Rama u shpreh: “Përshëndetje të gjithëve dhe është pa diskutim kënaqësi shumë e vecantë që sot të jemi dëshmitarë të kurorëzimit të një përpjekje të gjatë për hir të se vërtetës për të sjellë në zemër të Tiranës një tjetër kolos të industrisë globale turistike, grupin Intercontinental, Por per të gjithë ata që e njohin Ramë Gecin prej vitesh është po ashtu emocion sepse Rama është një burrë që siç e tha dhe vetë, flet me punë, nuk flet me fjalë.  Ja thashëunë thuaje, por e zgjati pak me ato taksat se do kishte patur më sukses po ta linte aty që “unë s’jam i fjalëve le të flasin këta që janë të fjalëve, une flas me punë”, po pastaj kur e pa suksesin e batutës tha s’kam eksperiencë duhet të kisha dëgjuar megjithatë ajo është  e verteta, Rama Geci në këtë rast flet me punë. Rama– unë – flas me fjalë, por jam shumë i privilegjuar që mund ta konsideroj Ramë Gecin një partner të shkëlqyer të të gjitha qeverive që kanë dashur të punojnë.

E vertetea është që Rama hyri në këtë rrugë me flamurin e PD,por pastaj ngriti flamurin e punës dhe u bashkua vetëm me të gjitha partitë e punës dhe qeveritë e punës.

Unë dua të falënderoj për praninë e tyre këtu edhe miqtë e e grupit Intercontinental. të cilët së shpejti besoj do të jenë përsëri në Shqipëri për të firmosur një tjetër marrëveshje, marrëveshjen  për Intercontinentalin e Durrësit dhe besoj që ardhja e këtyre kolosëve dhe nuk janë të vetmit në fakt se ndërkohë kemi një sërë firmash të mëdha të industrisë globale të turizmit që kanë hyrë hyrë në Shqipëri, kanë nënshkruar marrëveshje, po i hapin dyert njëra pas tjetrës, flet për një Shqipëri tjetër krejtësisht, flet për një Shqipëri që tanimë është në hartën e turizmit, natyrisht ka dhe shumë akoma për të bërë nuk diskutohet, por më ardhjene këtyre kompanive edhe lajmi do të përhapet shumë më shpejt sepse nuk e di a e vutë re tek prezantimi pas shpinës time që bëhet fjalë për një kompani, e cila me të gjithë hotelet e veta ka 130 milionë klientë, të cilët ndjekin kompaninë vend pas vendi, dhe kështu këtu nuk është fjala thjeshtë merr një kompani për ta menaxhuar me profesionalizëm të lartë një strukturë hoteliere,por njëkohësisht merr edhe një komunitet një bashkësi dhjetëra dhe nganjëherë qindra miliona klientësh, të cilët marrin menjëherë dijeni për një derë të re që hapet dhe pastaj mes tyre ka dhe plot fanatikë që vizitojnë njëra pas tjetrës të gjitha këto dyer, duke përfshirë dhe derën këtu.

Nga ana tjetër, më pëlqen shumë fakti që Rama i ka qëndruar tundimit që ta mbajë pronën e vet këtu se ka ngritur Intercontinentalin lartë dhe këtë hotel Tiranën e ka mbajtur të pavarur nga Intercontinentali kështu që është një bashkëjetesë e shpirtit kryengritës së Ramë Gecit edhe globalizimit të ekonomisë që nuk i shmanget dot as Ram Geci. 

E pyeta Ramën po atje lart në maj fare duket gjë deti? Unë tha nuk e kam vënë re ndonjëhere detin se perherë shoh Bajram Currin nga aty lart kështu që Rama duke qene se e ka patur që i vogël atë që si fëmijë është rritur në rrëzë të një mali të lartë, tani edhe si pronar i Hotel Tiranës rri në rrëzë të këtij hoteli te lartë sic është intercontinental. Dua të falenderoj shumë dhe dy arkitektët Piterin që është një nga protagonistët e rëndësishëm të transformimit urban të vendit tonë në ndërhyrjet që ka bërë në disa pika dhe Simone Mikelin, i cili do të jetë i angazhuar me të gjithë pjesën e dizajnit të brendshëm të hotelit të ri. r.p

/DRONI.al/