Ish-kreut i Bashkisë së Vorës, Agim Kajmaku arrestuar për trafik droge në Itali do hetohet edhe për aktivitetin e tij në Shqipëri, përfshirë edhe kohën që drejtoi bashkinë dhe mund të ketë përdorur zyrën e tij për trafikun e kokainës.
“Për shkak të përdorimit të biznesit të luleve si kamuflazh dhe për kryerjen e transportit të kokainës që ish-zyrtari ka në Shqipëri, autoritetet italiane të cilët kanë pasur në vëzhgim Kajmakun kërkojnë verifikim mbi aktivitetin, për të zbuluar rrjetin e plot të trafikut”, transmeton tv klan.
Verifikimet pritet të shtrihen në identifikimin e rasteve të importit dhe eksportit të luleve të bëra nga kompania.
Ish-kreu i Bashkisë së Vorës u arrestua bashkë më nipin e tij në 27 Maj në Itali pas një operacioni antidrogë ku iu gjetën 20 kg kokainë. a.b
