Familjarë të Aleksandër Sadikaj, vetëm 27-vjeç do të gjente vdekjen ditën e djeshme në një atentat në Tiranë thanë se. Uk kanë dijeni për autorët e krimit dhe se nuk kishin pasë probleme me asnjë person.
Makina me të cilën po udhëtonte Aleksandri shpërtheu nga një sasi tritoli rreth 400 gram që ishte vendosur në makinën e tij. Sadikaj mbeti fillimisht i dëmtuar ndërsa ndërroi jetë në spitalin e Traumës.
Për zbardhjen e ngjarjes, hetuesit i kanë përqëndruar hetimet në dy drejtime, ku njëra pistë është hakmarrja, për shkak të të shkuarës së tij kriminale dhe pista tjetër, trafiku i drogës.
Sipas hetuesve 27-vjeçari ka qenë anëtar i një grupi të fuqishëm kriminal, që merret me kultivimim të lëndëve narkotike në jug të Shqipërisë, dhe trafikimin e saj drejt Greqisë. Sadikaj ishte personi kyç që bënte lidhjen dhe shitjen e drogës në vendin fqinj, bëjnë të ditur burime jozyrtare të policisë.
Ndërkohë mjeti që u hodh në erë nuk ka qenë në pronësi të viktimës, por përdorej shpesh prej tij, për këtë shkak në pyetje është marrë edhe pronari i mjetit, ku po hetohet nëse mund të ketë qenë edhe ai shënjestra.
Hetuesit deri më tani, përveç kamerave të sigurisë të një biznesi që ndodhet pranë zonës ku u shpërthye mjeti, kanë sekuestruar edhe kamera sigurie në vendet ku i riu ka frekuentuar të premten dhe mengjesin e së shtunës.
Aleksandër Sadikaj jetonte mes Tiranës dhe Memaliajt, ai ishte pronar i një resorti në vendin e tij të lindjes, ndërkohë që edhe në kryeqytet administronte një lokal në zonën e Selitës.r.k
