Mbahen sot homazhet në nder të ish-Presidentit, Bujar Nishani në sallën “Skënderbeu” tek Presidenca. Nga ora 10:00-14:00 dhe pasdite 16:30-22:00 familja do të presë vizitat e rastit dhe homazhe nga të afërm, miq dhe dashamirës.
Sot kreu homazhe edhe kryetari i Partisë Demokratike Sali Berisha, i cili shprehu dhimbjen për vdekjen e Nishanit.
Në fjalën e tij, Berisha tha se shteti shqiptar humbi një nga shtetarët më dinjitozë në tërë historinë e tij
“Isha për të ndarë zinë e kësaj gjëme të madhe që iu ka rënë. Familja një prind të shkëlqyer, bashkëshort dhe baba fisnik. Shteti shqiptar një nga shtetarët më dinjitozë në tërë historinë e tij.
Bujar Nishani në dekada ka qenë një nga bashkëpunëtorët e mi më të çmuar, me të cilin më lidhi jo vetëm bashkëpunimi, por edhe një miqësi e përsosur që nuk njohu ndonjëherë asnjë lloj të themi rënie.
Parkundrazi erdhi gjithnjë në forcim. Kujtimet për Bujar Nishanin janë të shumta dhe ai sot fizikisht nuk është midis nesh.
Por e vërteta është që shpirtërisht ai është i gjallë, përjetësisht i gjallë në memorien time dhe të gjithë atyre që patën fatin e madh ta njohin atë si mik dhe bashkëpunëtor.
Iu shpreh ngushëllimet e mia familjes dhe shqiptarëve që humbën ish kreun e shtetit që i dha në atë detyrë dinjitet Presidencës. I paharruar do të mbetet kujtimi i tij”, tha Berisha. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
