Policia ka publikuar pamjet e momentit kur Ludian Zaimi qëlloi me armën e shërbimit kolegun e tij Çaush Saliasi, 55 vjeç.
Disa efektivë policie ishin të ulur nëpër karrige, në një sallë të komisariatit, në pritje të ndërrimit të turnit.
Autori del jashtë, ndërkohë që pak para tij ka dalë edhe viktima, i cili shihet i ulur në shkallët e komisariatit. Ky është edhe mimenti kur ai qëllon mbi Salisin, i cili bën përpjekje të largohet e të hyjë në sallë por pa mundur të shpëtojë nga plumbat.
Ngjarja e rëndë ndodhi mbrëmjen e së hënës brenda ambienteve të Komisariatit nr. 3 në kryeqytet, pak para se të ndaheshin detyrat për turnin e tretë. Mes viktimës, i cili shërbente prej 20 vjetësh në polici dhe autorit ndodhi një konflikt banal.
