Autoritetet greke kanë mbajtur të hënën një 30-vjeçar shqiptar i dyshuar se ka joshur me ushqim një kotele në një restorant ku po darkonte dhe më pas e ka futur në det, sipas ministrit të Brendshëm.
Ministri Takis Theodorikakos shprehu tronditje për incidentin, i cili shkaktoi zemërim në mediat sociale greke të dielën pasi një video u postua në internet, me sa duket nga një prej miqve të të dyshuarit, transmeton droni.al referuar mediave greke.
“Dhuna ndaj kafshëve është e papranueshme”, tha Theodorikakos në një postim në Facebook. “Përgëzoj përzemërsisht ata që e sollën këtë çështje në vëmendjen e publikut.” Videoja shfaqte njerëz që darkonin jashtë në një restorant buzë detit në një fshat në ishullin Evia, Greqia qendrore.
Dy kotele u afruan, duke kërkuar ushqim. Njëri nga grupi mbajti një peshk të vogël përballë njërës prej koteleve, duke e joshur që të afrohej më shumë dhe kur e bëri, e gjuajti me shkelma në det.
Kotelja e dytë shpëtoi.
Mediat greke thanë se banorët vendas e çuan kotelen te një veteriner për ekzaminim dhe ajo ishte e padëmtuar. Nëse akuzohet dhe dënohet për abuzim me kafshët, i dyshuari përballet me 10 vjet burg dhe një gjobë maksimale prej 50,000 euro (52,000 dollarë), shkruajnë mediat greke. a.b
Για την πλάκα τους κλωτσάει το ζώο και το ρίχνει στην θάλασσα. Κανείς δεν τον σταματάει, όλοι γελάνε. Ξέχασε όμως ότι πλέον είναι κακούργημα και τιμωρείται με ποινή φυλάκισης έως 10 έτη και πρόστιμο έως 50.000 ευρώ.
Ενημέρωσα ήδη το @CyberAlertGR @hellenicpolice pic.twitter.com/50fw6Bauko— Stamatina Stamatakou (@StamatinaSs) May 2, 2022
