Rrahje e pamëshirshme është regjistruar sot në Tiranë, tek kthesa e Kamzës ku disa të rinj dhunojnë me grushta dhe levë hekuri një djalë, i cili përpiqet të mbrohet sa të mundet.
I riu, goditet pa pushim me grushta, shqelma dhe levë hekuri.
Në lidhje me një video të postuar në portale ka reaguar policia e Komisariatit të Policisë Nr. 6.
Pas identifikimit të autorëve të dyshuar, specialistët për Hetimin e Krimeve në Komisariatin e Policisë Nr. 6, shoqëruan në komisariat dhe proceduan penalisht shtetasit:
– E. M., 16 vjeç, I. M., 42 vjeç, dhe A. Sh., 40 vjeç, të tre banues në Tiranë, për veprën penale “Plagosja e lehtë me dashje”, e kryer në bashkëpunim.
Këta shtetas, në bashkëpunim me njëri-tjetrin, ditën e sotme, për motive të dobëta, janë konfliktuar me shtetasin G. N., 17 vjeç, dhe më pas e kanë goditur me grushte dhe sende të forta. r.k
