Kuvendi Kombëtar i PD ka shkarkuar nga detyra edhe kryetarin e grupit parlamentar të PD, Enkelejd Alibeaj duke konstatuar vakancë në krye të grupit për shkak se i mungon detyra e nënkryetarit të PD-së që është bashkëngjitur me detyrën e kryetarit të grupit, sikurse thuhet në vendimin e Këshillit Kombëtar.
Nënkryetarët, ashtu si kryetari dhe forumet e tjera të PD janë shkarkuar në kuvendin e 11 dhjetorit 2022.
VENDIM
- 03 DT 30.04.2021
Në mbështetje të neneve 49 dhe 51 të Statutit të Partisë Demokratike të Shqipërisë, miratuar në datën 11.12.2021, nenit 5 pika 1 të Rregullores nr.1 dt. 12.02.2018 “ Për organizimin dhe funksionimin e grupit parlamentar të Partisë Demokratike dhe veprimtarinë e deputetëve të tij”, si dhe Vendimit nr. 03 dt 11.12.2021 të Kuvendit Kombëtar të Partisë Demokratike, me propozimin e Komisionit të Rithemelimit si dhe të një grupi deputetësh të PDSH, Kuvendi Kombëtar i Partisë Demokratike,
VENDOSI
- Konstatimin e vakancës së pozicionit të kryetarit të grupit parlamentar të Partisë Demokratike, për shkak të mungesës së nënkryetarëve të zgjedhur të Partisë.
- Ngarkohet Këshilli Kombëtar i partisë për zgjedhjen dhe caktimin, së bashku me nënkryetarët, edhe të kryetarit të grupit parlamentar të PDSH.
Ky vendim hyn në fuqi menjëherë
Komisioni i Drejtimit të Punimeve të Kuvendit
