Ish nënkryetari i Parlamentit, Myslim Murrizi deklaroi sot se do të kthehet në PD pas një telefonate që ka pasur nga ish kryeministri Berisha. Ai tha se Berisha e ka telefonuar dhe i ka kërkuar të rikthehet në PD ndërsa Murrizi deklaroi në ‘Zona zero’ se do të marrë pjesë në Kuvendin e 30 prillit.
“Unë do të jem në Kuvendin e 30 Prillit. Sali Berisha më telefonoi mbrëmë dhe më kërkoi rikthimin, më tha je i mirëpritur në PD. Unë iu përgjigja pozitivisht, do të jem në Kuvendin e 30 Prillit.
Unë nuk i kam shitur aksionet e mia tek PD, m’i kanë grabitur. Kam një kontribut nga data 8 Dhjetor i 90 në PD. Dy herë që kam qenë deputet, kam qenë në opozitë. Ndoshta jam i destinuar të jem deputet gjithmonë që është PD në opozitë, kur të jetë në pushtet ndoshta do jem në rrugën time.
E kam pyetur një herë Berishën dhe do e pyes prapë, se kush ia solli Bashën në PD, ndoshta e tregon pas 30 Prillit”, theksoi Murrizi. Myslim Murrizi është deputeti i dytë pas Rudina Hajdarit nga grupi që refuzoi të bojkotonte parlamentin që ftohen në PD. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
