Deputeti Oerd Bylykbashi braktisi mbledhjen e grupit parlamentar të PD duke deklaruar se nuk e njeh Enkelejd Alibeajn si kryetar të grupit parlamentar.
Bylykbashi tha se respekton vendimet e Kuvendit të 11 dhjetorit, i cili e ka shkarkuar Enkelejd Alibeajn nga posti i nënkryetarit të partisë dhe rrjedhimisht duke qenë se kryetar i grupit zgjidhet një nga nënkryetarët, posti i kryetarit të grupit parlamentar nuk është legjitim.
Sipas Bylykbashit edhe gjatë javëve te fundit Alibeaj nuk ka ndihmuar bashkimin e grupit parlamentar, duke i ndarë deputetët në deputetë të Partisë Demokratike dhe deputetë të përjashtuar nga PD.
Ndërkaq deputeti Tomorr Alizoti ka kërkuar sërish një votëbesim për Alibeajn.
Ai u tha gazetarëve tek selia e PD se Alibeaj pas zgjedhjeve të 6 marsit duhet të votëbesohet. Zgjedhjet e 6 marsit treguan se ai është pjesë e pakicës dhe si i tillë duhet të votohet në grup, theksoi Alizoti.m.k
