Thuajse gjysma (48,3%) e banorëve të Tiranës u deklaruan se drejtimi i bashkisë nga Erion Veliaj është i gabuar dhe vetëm 35 % e tyre konsideronin se Veliaj po drejton mirë, shifër kjo afro 20% më e ulët se sa ishte ajo që votoi për Veliajn në vitin 2015.
Banorët mendojnë se gjërat në Tiranë nuk po shkojnë në drejtimin e duhur. Pjesa dërrmuese e qytetarëve të Tiranës (71,7%) shqetësim kryesor kanë koston e jetesës, raporton euronews nisur nga një sondazh i këtij televizioni.
Probleme të tjera për qytetarët në Tiranë janë edhe ndërtimet e shumta (37,2%), ndotja dhe plehrat (29,9%), transporti publik (29,7%) dhe taksat e bashkisë (28,9%).
Trafiku i rënduar është shqetësim për çdo tre në pesë (60,1%) kryeqytetas.
Pjesa më e madhe e qytetarëve të Tiranës janë këmbësorë (34%). Më pak se një në tre (31%) qytetarë të Tiranës përdorin makinën e tyre personale për të lëvizur. Po aq janë edhe kryeqytetasit të cilët përdorin transportin publik (30%). Vetëm 5% e qytetarëve të Tiranës lëvizin me biçikletë apo motor.
Gjetjet janë të Barometrit në Euronews Albania, kryer nga MRB dhe DataCentrum në datat 15-25 Mars në nivel lokal të bashkisë Tiranë, me 1000 intervista ballë për ballë në familje, raporton tv euronews. m.k
