Është përshkallëzuar protesta pasi qytetarët kanë bllokuar qarkullimin e automjeteve në zonën e Unazës së Vogël në kryeqytet.
Qytetarët janë ulur këmbëkryq tek Ura e Lanës në hyrje të ish-Bllokut duke bllokuar qarkullimin e automjeteve. Dy krahët e Unazës janë bllokuar nga protestuesit ndërsa policia bën thirrje që qytetarët të largohen.
Më pas policia ka ndërhyrë dhe ka arrestuar disa protestues.
Në terren gjithashtu kanë dalë forcat speciale me skafandra duke filluar shoqërimet në komisariat.
Edhe në protestën që qytetarët e Shkodrës po zhvillojnë ka pasur një përplasje me forcat e policisë sepse këta të fundit kanë tentuar të shpërndajnë grumbullimet që kishin bllokuar të gjithë qarkullimin e mjeteve në rrugët kryesore të vendit.
Menjëherë pas këtyre përplasjesve, kanë filluar edhe shoqërimet e para. Policia ka shoqëruar në komisariat njërin prej organizatorëve të protestës, shtetasin Mirsad Basha. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
